Centre para Assam hills te organic farming back kurise

Assam, 29 July :  India laga Government tribal aru scheduled areas te organic farming promote kuribole actively kaam kurise, especially through scheme khan jaise Paramparagat Krishi Vikas Yojana (PKVY) aru Mission Organic Value Chain Development for North Eastern Region (MOVCDNER). Ministry of Agriculture and Farmers Welfare Tuesday din Lok Sabha te inform kurise ki etu scheme MOVCDNER Karbi Anglong aru Dima Hasao laga hill districts, Assam te operate kurise. Union Minister of State for Agriculture and Farmers Welfare Shri Ramnath Thakur janai dise ki dukhon district te duita duita Farmer-Producer Company (FPC) promote kurise, aru ek-ekta district te 1,000 hectare land organic farming cluster te cover kora hoise. Total milaikene 2,000 farmers benefit paise. Karbi Anglong karone ₹5.57 crore aru Dima Hasao karone ₹5.19 crore allocate kora hoise. Etu initiative production para shuru kuri kene processing, certification aru marketing tak pura support dise. MOVCDNER under, ek farmer 3 saal laga period te ₹46,500 per hectare benefit pabo, juntu te ₹15,000 Direct Benefit Transfer (DBT) dise. Ministry, organic product laga certification aru market support ensure kuribole karone, APEDA implement kora National Programme for Organic Production (NPOP) logot tie-up kurise, juntu domestic aru export market dono karone applicable ase. Certificate aru training karone 3 saal te ₹10,000 per hectare support dise, aru state-level marketing effort karone ₹4,000 per hectare support thakise. 2015-16 para etiya tak, Government of India Assam ke MOVCDNER scheme under ₹146.54 crore release kurise, juntu state laga tribal areas te sustainable organic farming promote kuribole ekta dangor step ase.