Government Para Piyas Farmers Khan Ke Bishi Biya Damali Kurishe

MUMBAI: 

Thursday te opposition Congress aro NCP koishe Maharashtra government para announce kurishe piyas farmers khan ke piyas quintal nimite Rs. 200 dibo. Opposition parties khan para koishe etu toh Maharashtra government para farmers khan logote bishi biya damali kuri ase.

Congress BJP-led government ke koishe piyas toh kg te Rs. 10 utha bole koishe. Aro NCP koishe piyas kg te Rs. 5 uthabi.

Government para piyas karne farmers khan ke Rs 200 quintal te dibo koi kena cheat kurishe. Etu kotha para farmers khan laga mon jokom kuri dishe.

Farmers khan laga mon kushi korai diya nohoi kena government para tai khan logote bishi biya dhamali kurishe. Government toh immediately piyas nimite farmer khan ke kg te Rs. 10 dibole announce kuribo lage. Opposition leades khan Congress laga Radhakrishna Vikhe-Patil Assembly Twitter te koishe.

Fadnavis government opor te opposition l para NCP Legislative Council Dhananjay Munde te koishe farmers khan asol te piyas nimite Rs. 500 mangishe.

Mr. Munde koishe government khan etu nimite Kg te Rs. 2 nohoi kena Rs. 5 dibo lage. Aro government para etu poisa toh immediately moina bhitor te farmers laga account te transfer kuribo lage. Tai koishe judi government para farmers aram nimite eku bhi hafta bhitor te kora nai koile tai laga party protests suru kuribo.

Agi Maharashtra government Rs. 150 crore piyas farmers relief nimite dishe.

Farmers khan taaza harvest kora piyas toh kg te Rs. 1.05 para Maharashtra te bika khobor aha nimite etu decision state Cabinet para dishe. Maharashtra toh desh te piyas laga sob para dangor producer ase.