Agencies:
Train 18 laga trial run te kunba miscreants khan pathor mari kena train laga ekta window damage kuri dishe. Trial run nimite Train 18 toh Agra aro Delhi majote berai thakishe. Train 18 toh India laga first engineless train ase.
GV Venkatesan, Public Relation Officer, ICF koishe etu hadsa huwa samay te Chief Design Engineer aro dusra officials khan train te thakishe. Train 18 laga speed trials toh Thursday te hoishe. Etu speed trial toh Agra aro New Delhi majote hoishe. Train te thaka crew khan majote Srinivas, Chief Design Engineer, Integral Coach Factory (ICF) bhi thakishe. Kunba manu para train te pathor phelai kena Train 18 laga ekta side laga window biya kuri dishe.
Etu biya kaam condem kuri kena Venkatesan manu khan ke request kurishe ke railway property toh biya nukuribi. Enika public property biya kura bishi biya ase koishe. Manu khan ke trains, railway stations aro Train 18 genika prestigious brand khan biya nukuribole koishe. Etu public property toh sob manu karne ase, etu nimite etu khan biya nokuri bole koishe.
November te Train 18 laga first trial run toh ekdam bhal para conduct kuribo parishe. Etu trial run toh Northern Indian Railways laga Moradabad-Rampur section track te conduct kurishe. Etu trial run kura samay te train ke alag alag speed te jabo dishe. India laga fastest train toh trial run te 180 kmph te jaishe. Etu toh Delhi-Rajdhani rasta te kurishe. Train 18 toh Shatabdi trains ke replace kuribo.
Add Comment