Imphal, August 2, 2025: Manipur laga Security Forceskhan para Charta manu ke arrest kurishe koishe. Taikhan toh Manu ke damkidikina Poisa mangi thakishe koishe. Aru ekjun toh Army chief aru alak duijun toh Cadres ase koishe.
July 31 din te. Authorities khan para Moirangthem Biramani Meitei ke durishe koishe. Tai toh KCP group laga Army chief ase koishe. Tai toh 46 saal ase. Aru taike Bishnupur District laga Phubala Patton para durishekoishe. Tai laga haat para Mobile Phone aru Sim Card paishe koishe.
Aru alak operation toheki din te kurishe koishe. Manipur Police khan para Telem Naoba Singh (29) ke arrest kurishe koishe. Tai toh PREPAK laga Group member ase koishe. Taike Imphal East District laga Khurai Chairenthong para durishe koishe.
Aru July 30 din te. Security Khan para KYKL laga Group member duijun ke durishe koishe. Tai toh Thoubal District te thakhea manu khan ke damki dikina poisa mangi thakhishe koishe. Keisham Wilson Singh toh 18 saal ase. Aru Thokchom Sanathoi Meitei toh 22 saal ase koishe. Tai duijun ke Salungpham Bazar jaga para durishe koishe.
Add Comment