August 02, 2025, 06:27 PM: Itu Kohima Aor Telongjem (KAT) para Tsungremmong Festival celebrate kurishey, itu Kisama Amphitheatre, Kohima tey, 1st August, 2025 tey.
Padma Bhusan awardee, former Governor aru Chief Minister Dr. S.C. Jamir para tai laga address tey, koishey ki, Tsüngremmong toh hoiley ekta special festival asey, kuntu toh hoiley itu Ao community ke unite kurey aru manu khan ke urge kurishey, united thakiboley.
Tai para koishey, Nagaland toh hoiley ekta mati asey, Isor para choose kuria laga aru tai para Naga manu khan bhitor tey alag para Christianity spread hoa laga reflect kurishey.
Itu state toh hoiley, alag alag faith khan bhi thaki kena asey, itu toh hoiley Dr. E. W. Clark para asey, kun aha para Christianity first punchishey, Ao manu khan ke aru tatey para, Ao missionary khan para alag alag Naga tribe khan bhitor tey spread hoi jaishey. Tai para koishey ki, itu toh hoiley pride kuriboley laga kotha nahoi, hoilebi itu toh hoiley Isor laga naam ucha kuriboley laga kotha asey.
Rural Development aru SIRD nimitey Minister – Metsubo Jamir para tai laga greetings tey, highlight kurishey ki, Tsungremmongl aga purpose toh hoiley blessing khan bisariboley karney nahoi, hoilebi itu khan para toh hoiley mon chuwa laga thanks aru gratitude offer kuriboley karney asey.
Add Comment