Peren District Tey, Heavy Gari Khan Aha Jawa Kuria Opor Tey Asvisory Dishey

August 03, 2025, 07:02 PM: Itu Traffic congestion laga view tey, heavy gari khan aha jawa kuria para hoa karney, itu Peren Town laga chutu raasta phaney, aru traffic toh bhal para regulate kuriboley pariboley, itu di kena thaka measure khan toh hoiley yatey para inform kuri dishey, Nagaland laga Peren laga Deputy Commissioner – Mr. Pauding Disuang Extra Assistant Commissioner office tey para. Aru itu Gari khan laga travel advisory khan toh itu laga hisap tey di kena asey, 1. Heavy gari khan kuntu toh hoiley Jalukie para Peren tey ahi asey, tai khan ke Peletkie Junction tey para rukhi jaboley koishey aru tai khan toh hoiley 5:00 PM pichetey hey jabo paribo koi kena janaishey, tai khan ke itu bhi janaishey ki Heavy Gari khan kun toh hoiley Manipur para Peren tey ahi asey, tai khan ke, Peren Maram check gate tey rukhai diboley asey, aru tai khan ke 6:00 PM pichetey hey jaboley allow kuribo, koishey. 2. Shri. Pauding Extra Assistant Commissioner para notify kurishey ki, judi kiba Heavy Gari khan toh itu opor tey di kena thaka traffic regulation khan violate kuria laga paishey koiley, tai khan, itu law laga relevant provision under tey action loboley asey.