Aizawl, August 4, 2025: Mizoram Police khan para. Yete Crystal Methamphetamine aru Heroin paishe koishe. Aru etu toh Rs 350 Crore laga daam ase koishe. Aru etu toh State te ekbar para sobse bishi durishe koishe. Etubi ekta manu laga haat para. Aru taike arrest kurishe koishe.
Khobor pai kina. Aizawl laga Criminal Investigation Department (Special Branch) aru Specical Narcotic Police Station laga Team khan mili kina. Etu Operation toh State Capital te suru kurishe koishe.
Yete taikhan mili kina. Aizawl te Pickup tata ke rukhaishe koishe. Aru tate Mithun ke bukhi kina thakhishe koishe. Etu toh Zemabawk aru Seling laga Jagate thakhishe koishe.
Yete Gari te bhal para bisarea pichete. Team khan para 20.304 kg laga Crystal Meth paishe koishe. Etu toh Rs 300 Crore laga ase koishe. Aru 1.652 Kg laga Heroin paishe koishe. Etu toh 128 sabun dab ate lokai kina thakhishe koishe. Aru etu bi Rs 49.56 Lakh laga daam ase koishe.
Etu gari toh B Lalthazuala (45) para chulai thakhishe koishe. Tai toh Aizawl laga Republic Mual Veng te thakhea koishe. Aru taike arrest kurishe. Etu drugs khan loi ja nimete. Etu manu toh Narcotic Drugs aru Psychotropic Substances Act, 1085 laga Section bitor te Booking kuri dishe koishe. Aru etea Investigation khan kurea ase koishe.
Add Comment