August 04, 2025 : Chumoukedima laga Deputy Commissioner – Polan John, NCS para inform kurishey, ki, ekta ‘Education Sensitization Campaign’ organize kurishey, itu Investment aru Development Authority of Nagaland (IDAN) para, kuntu toh hoiley 5th August, 2025 tey loboley asey, itu DC laga Conference Hall, Chumoukedima tey para.
Itu campaign laga objective toh hoiley awareness banaboley karney asey, alag alag educational opportunity khan aru facility available thaka khan laga regard tey, student khan ke, Scholarship Scheme khan bhi milai kena, government aru private initiative under tey; Professional program khan – BBA aru MBA khan nishina thakiboley asey. Itu initiative toh hoiley particular para student khan ke benefit diboley karney asey, kun khan toh hoiley ajikali hey Class 12 pass hoi kena asey, student khan toh hoiley JEE/NEET appear kuri kena asey hoilebi admission secure kuriboley napari kena asey, aru graduate student khan kun khan aru bhi study khan kuriboley sai asey PG level tey.
Sob interest thaka student khan aru stakeholder khan ke itu nimitey encourage kurishey, yatey attend kuriboley aru itu information aru guidance provide kuria ke avail kuriboley, itu program laga homoi tey. Aru bhi, sob student body khan, church khan, educational institution khan, NGO khan aru community based organization khan Chumoukedima district bhitor tey, tai khan request kuriboley, itu information toh punchai diboley karney, student khan aru ama baba khan bhitor tey aru nominate kuriboley koishey aru representative khan pathaboley koishey, itu program tey attend kuriboley karney.
Add Comment