August 04, 2025 : MLAs Kevipodi Sophie aru Dr. Tseilhoutuo Rhutso para Kohima laga Deputy Commissioner – B. Henok Buchem NCS, Additional SP Kohima – Soriso Quinker NPS aru alag government official khan logotey mili kena bishi para biya hoi kena thaka raasta tey visit kurishey, aru inspect kurishey, itu Kohima laga BSF camp osor tey, 4th August, 2025 tey. Itu inspection toh hoiley kuria toh hoiley, tatey laga raasta toh ekdam gari khan aha jawa kuriboley napara hoi jawa laga asey, heavy gari khan narukhi kena bishi aha jawa kuria para asey, itu nimitey saboley jawa laga thakishey. Itu visit kuria team para itu situation ke assess kurishey, itu ground tey aru ekta discussion kurishey, juldi para itu opor tey kaam khan kuriboley karney, itu raasta toh restore kuriboley karney.
Official khan para assure kurishey ki, phat para step khan loboley lagi asey koi kena, itu raasta aru gari khan bhal para aha jawa kuribo pariboley, aru hudai di kaam nimitey bira manu khan ke safety ensure kuriboley. Itu authority khan para lamba homoi karney solution bhi explore kurishey, eneka nishina phat para biya hoa raasta nahoboley karney.
Add Comment