Aizawl, August 8, 2025: Mizoram Police khan para Assam Rifles khan logote mli kina Operation kurishe koishe. Yete taikhan para Foreign manu laga Cigarettes aru Heroin drugs khan sob Rs 9 Crore laga durishe koishe. Yete Ekta manu ke arrest kurishe koishe. Aru etu toh alak alak operation te pa laga ase koishe. Yete Champhai District te.
Yete tarika kuri kina. Mizoram Police aru Paramilitary Force khan para mili kina Operation suru kurishe koishe. Aru Wednesday din te. Champhai laga Police Check Gate te bisarishe koishe. Yete taikhan 1 kg laga Heroin Drugs paishe koishe. Aru ekta manu ke arrest kurishe. Tai laga haat te Rs 8.58 Crore laga saman thakhi kina. Etu manu aru Heroin drugs khan bi Champhai Police khan laga haat te didishe koishe.
Aru Thursday din te alak operation kurishe. Yete Assam Rifles khan para 69 Cases aru 10 Loose Carton daba khan paishe koishe. Etu bitor te Foreign manu laga Cigarettes thakhishe koishe. Aru etu saman khan toh Rs 89.96 lakh laga daam ase koishe. Etu durea laga saman khan toh Champhai laga State Legal Metrology khan laga haat te didishe koishe.
Add Comment