August 09, 2025, 05:56 PM: Itu NSS Cell, Yingli College, Longleng para itu Viksit Bharat Yuva Connect Programme 2025 organize kurishey, itu Youth Resources & Sports laga Department, Nagaland laga Government logotey collaborate kuri kena, Borgohain Hall tey para, itu “Emergency Period In India” theme opor tey, 6th August, 2025 tey. Itu event tey Debate Competition aru itu Youth Parliament thakishey, kuntu tey awareness raise kuriboley aim kuria laga thakishey, itu Indian parliament opor tey aru itu laga impact hoboley, manu khan aru society khan opor tey.
Sociology Department laga Assistant Professor – Kiriahungle Haihing para itu programme chair kurishey aru Vice- Principal, Yingli College Dr. B. Henshet Phom para welcome address deliver kurishey.
Itu Longleng laga District Sports Officer – Kenongoto Thokhwe tatey resource person buhi kena ekta insight para bhorta thaka laga session deliver kurishey, India tey Youth Parliament thakiboley laga importance highlight kurishey.
Itu debate competition laga winner khan toh hoiley – Chuthai L. Phom aru P. Phangmei Phom thakishey aru District Youth Parliament Competition laga winner khan toh hoiley – Kehungngaule Haihing, Hentong Phom aru Ladong Phom thakishey.
Tatey pura puri 260 attendance, 240 NSS Volunteer khan, 19 Faculty khan aru 1 resource person para itu event tey attend kurishey. Itu college laga student aru teacher khan ke latest information khan janaishey, itu Indian parliament laga.
Sociology Department laga Assistant Professor – Dhapne Chungphang para vote of thanks janaishey.
Add Comment