August 11, 2025, 05:23 PM: Alder College para tai khan laga 33rd Fresher’s Day 2025 celebrate kurishey, Dr. Setu Memorial Hall, Alder College Kohima tey para, 11th August, 2025 tey, Kohima town laga MLA – Dr. Tseilhoutuo Rhütso tatey Chief guest hisap buhi kena.
Dr. Rhütso para tai laga khata speech tey, ekta message dishey, sob manu khan ke, itu ‘Try ignorance if you think education is expensive’ quote kuri kena, itu janai kena ki, education toh hoiley ek manu laga life tey sob para bishi important part asey, successful manu hoboley future tey. Tai para holistic education opor tey emphasize kurishey, skill shikhiboley aru nijey ke refine kuriboley.
Tai para student khan ke hosa thaki kena mehnat kuriboley koishey, aru ekta bhal graduate khan hoboley koishey, ene degree bukhi kena thaka manu nahoi kena, kiley maney duniya tey toh ki ki parey/ naparey hoilebi eku bhi aram para nahoi. Alder College laga Principal – Dr. Medotsino T. Nakhro para tai laga address tey, koishey ki, itu toh hoiley ekta special phase asey, ekjon student laga academic jeevan tey, itu excite kuri diya laga journey mark kuri kena, ekta aru bhi ucha laga education tey.
Add Comment