August 11, 2025, 05:33 PM: Itu dui din laga Inter-Departmental Tournament khotom hoishey, 9th August, 2025 tey, itu Multi-Purpose Hall, Nagaland Legislative Assembly, Kohima tey. Itu event toh hoiley Deputy Commissioner, Kohima, B. Henok Buchem para tatey Chief Guest hisap buhi kena grace kuria laga thakishey.
Buchem para tai laga address tey, itu closing ceremony tey, itu Inter-Department Badminton Club (IDBC) ke acknowledge kurishey aru appreciate kurishey, itu 5th edition organize kuria nimitey, itu tournament laga, kuntu para toh hoiley badminton player khan ke eke logotey anishey, alag alag government department khan para. Tai para eneka nishina event khan laga importance emphasize kurishey, inter-departmental coordination aru collaborative effort khan foster kuria tey, contribute kuri kena itu goal toh achieve kuriboley, public service tey.
Buchem para itu final match toh witness kurishey, tai para itu participant khan ke commend kurishey, tai khan laga team spirit aru resilience nimitey aru tai para congratulation janaishey, itu sob winner khan ke.
Itu closing ceremony toh hoiley Kelhikha Kenye para chair kurisehey kun toh hoiley Samagra Shiksha laga Deputy Mission Director asey aru IDBC laga bhi member asey, tai para vote of thanks bhi janaishey.
Tatey pura puri 62 team khan thakishey, 24 department khan para, tai khan participate kurishey, itu 2025 edition laga tournament tey.
Add Comment