Kohima • Nagaland

79th Independence Day Celebration Loishey, Kohima District Tey

7 months ago

August 15, 2025, 06:50 PM: Nagaland Civil Secretariat, Kohima tey 79th Independence Day, 15th August, 2025 celebrate kurishey, kotey Chief Minister – Dr, Neiphiu Rio para itu National Flag hoist kurishey aru itu state address kurishey. Dro Rio para freedom fighter khan ke aru brave martyr khan ke, tribute pay kurishey. Itu Chief Minister para itu Naga Political Issue resolve kuriboley laga reaffirm kurishey, itu toh government laga sob para ucha laga priority asey koi kena. Shanti laga process toh “ekta akha laga symbol” asey koi kena, tai para inform kurishey ki, itu State toh hoiley ekta active facilitator hisap laga role play kuri kena ahishey koi kena, itu sob stakeholder khan majetey, ekta shanti laga resolution aniboley nimitey, itu Naga Political Issue karney. 

Itu Frontier Nagaland Territory (FNT) opor tey bhi discussion khan highlight kurishey, latest tripartite kotha khan laga, India laga Government, Nagaland laga Government aru Eastern Nagaland People’s Organisation (ENPO) majetey, 23 July, 2025 tey, Delhi tey.

Chief Minister para state kurishey, ki, Agriculture aru Allied Sector khan toh hoiley ekta vital role play kurey, itu socio economic growth tey, itu state laga.

Horticulture expansion tey, 300 hectare khan laga ginger aru 245 hectare khan laga, Naga Mircha laga cultivation asey koi kena, aru tatey notun collection centre khan bhi asey koi kena.

Irrigation tey, 270 surface minor irrigation scheme khan toh chuli asey, PMKSY (Pradhan Mantri Krishi Sinchayee Yojana) under tey, ekta Rs 206.85 Crore laga daam laga implement kurishey, itu Water Resources Department para.

Rio para mention kurishey ki, itu Nagaland Solar Mission (NSM) toh hoiley 14th April, 2025 tey launch kurishey, PM Surya Ghar Muft Bijli Yojana logotey converge thaki kena. Clean energy laga development encourage kuriboley, itu NRE Department toh hoiley successful para ekta 5MW Solar Power Plant complete kurishey, Hovukhu Village, Niuland tey.

Aru bhi 5MW Solar Power Plant, Zhadima/Teichuma Village tey thaki kena, Kohima district under tey, itu toh under progress tey asey.