New Delhi, 16 August 2025: The All India Football Federation (AIFF) India Super League (ISL) club khan laga player khan ke release kuribo karone request kurise, juntu player khan Bengaluru te cholibo thaka national team camp te select hoi ase. Naga coach Khalid Jamil India team opor te charge lobo. Jamil laga first assignment hobo CAFA Nations Cup, juntu te India host Tajikistan (August 29), Iran (September 1) aru Afghanistan (September 4) logot Group B te khelibo. October FIFA Window te India duita important AFC Asian Cup 2027 qualifying match Singapore logot (October 9 aru 14) khelibo.
AIFF Jamshedpur FC ke bhi dhonyobad janai dise, Jamil ke release kura karone, aru etu ke “National Interest laga gesture” koise.
“Indian Senior Men’s National Team camp August 15 para 25, 2025 tak Bengaluru te start hoi ase, CAFA Nations Cup te India laga first participation karone. AIFF Jamshedpur FC laga cooperation appreciate kurise, juntu Khalid Jamil ke release kurise, jodi bi club laga tournament choli thaki ase – etu National Interest laga ekta gesture ase. AIFF sob club ke urge kurise jate National Team laga player khan ke release kuri dibo etu important assignment karone, aru upcoming AFC Asian Cup 2027 Qualifiers (Singapore laga away & home match) karone prepare hobo,” AIFF laga statement te kobo dise.
Football governing body confirm kurise 13 jon player charta club para release nahoi thaka, aru club khan ke urge kurise jate possible earliest te release kuri dibole. Mohun Bagan SG para, player khan hoise Anirudh Thapa, Deepak Tangri, Lalengmawia, Liston Colaco, Manvir Singh, Sahal Abdul Samad aru Vishal Kaith. East Bengal para Anwar Ali, Jeakson Singh aru Mahesh Singh Naorem release hoa nai. Jamshedpur FC hold kurise Manvir Singh aru Albino Gomes, jetiya NorthEast United FC Jithin MS ke release nohoi.
Dusra te, India U23 Men’s National Team bhi training camp start kurise Bengaluru te August 1 para, AFC U23 Asian Cup 2026 Qualifiers karone, juntu Qatar te September 3 para 9 tak hobo. Preparation hisap te U23 team Kuala Lumpur jabo August 23 te, aru U23 Iraq National Team logot duita friendly match khelibo.
AIFF sob stakeholder khan ke cooperation koribo karone request kurise, karon 10 jon player U23 Men’s National Team camp te report kura nai. Jamshedpur FC para Mohammed Sanan K aru Nikhil Barla nahoi kena ase. Mohun Bagan SG para Dippendu Biswas, Suhail Ahmad Bhat, Priyansh Dubey aru Tekcham Abhishek Singh release nahoi. NorthEast United FC pora Macarton Louis Nickson, Parthib Sundar Gogoi, Huidrom Thoi Singh aru Dipesh Chauhan bhi camp join hoa nai.
Add Comment