BENGALURU: Infosys co-founder NR Narayana Murthy koishe ahi thaka future te uthi thaka technologies: artificial intelligence (AI) aro machine learning para manu khan ke jobless rakhi nadibo. Information technology industrialist koishe bhabi saile toh AI aro machine learning para manu khan karne aro bishi kaam kuribole oppoprtunities banai dibo.
Mr Murthy koishe AI toh computer sciences laga bishi zaruri topical jaga ase. AI, machine learning, big data analytics, Internet of Things (IoT), etu zaruri topics khan para manu khan laga jeevan toh aro bishi aram kuri dibole ase.
Mr. Murthy US, UK aro Japan laga examples di kena koishe etu desh khan toh umemployment laga rate toh single digit para kom kuri dishe.
World Economic Forum (WEF) laga khobor hesab te kaam jaga te machines aro algorithms laga rapid evolutions hoi ase. Etu nimite 2022 saal majote 75 million jaga te 133 million notun roles banabo.
Mr Murthy koishe ami khan duniya laga economic history saishe koile jua 50years te kitiya computers khan dangor role lubole suru hoishe. Etu desh khan te technology nimite umemployment bishi kom hoishe. Aro kontu desh khan te technology etiya bhi embrace kora nai etu desh khan te etiya bhi bishi manu khan umemployed ase.
Mr Murthy aro koishe ami khan technology para manu khan ke umemployed rakhi de etu theory ami khan chari dibo lage. Etu kotha toh hossa nohoi. Technology para manu khan nimite aro bishi dangor kaam khan pari kena jabole opportunity banai de. Technology nimite kaam ula toh pura kuribole manu bishi khan laga modot laga suru hoi jai.
Mr Murthy koishe ATMs khan toh technology para manu khan laga jeevan aro bishi aram kuri diya laga classic example ase. ATMs khan nimite poisa withdraw kuribole aro bishi aram kuri dishe. Ami khan kitiya bhi, kote ATM machine ase tate para ami khan poisa ulabo pare.
Saturday laga Infosys Prize ceremony te Mr Murthy koishe ami toh technology khan nimite manu khan bishi unemployed hoi kena jai ase etu kotha te bisas nokure.
Add Comment