August 17, 2025, 06:05 PM: Nagaland Governor La Ganesan laga funeral service loishey, full state honour logotey, 16th August, 2025 tey, Chennai tey. Governor La Ganesan, 80 saal tey muri jaishey, 15th August, 2025 tey. Itu late Governor laga dead body toh hoiley, Kannadasan Grounds, T. Nagar tey rakhi kena thakishey koishey, itu public nimitey, tai khan laga respect pay kuriboley, tatey Nagaland laga Chief Minister – Dr Neiphiu Rio para ekta floral tribute pay kurishey, itu Nagaland laga Government laga behalf tey. Itu state funeral aru cremation loishey, pura State honour khan logotey, Besant Nagar Electric Crematorium, Chennai tey, 05:00 PM tey, kuntu toh hoiley, Chief Minister, Dr Neiphiu Rio, Deputy Chief Ministers, Y. Patton aru Chief Secretary – T. R. Zeliang, Governor karney Commissioner & Secretary – Sentiyanger Imchen IAS, Governor karney Former Commissioner & Secretary – Rajesh Soundararajan IAS aru Nagaland laga DG Rupin Sharma IPS khan tatey thakishey koishey, tribute diboley. La Ganesan toh hoiley ekta orthodox Brahmin parivar tey jonom kuria manu thakishey, Thanjavur laga temple town tey, Tamil Nadu laga, 1945 tey, tai laga baba toh – Lakshmi Raghava Iyer asey, utu town laga ekta bhal businessman thakishey koishey. La Ganesan toh tai laga Secondary School Leaving Certificate (SSLC) complete kuria pichetey, Revenue Department tey ekta government job kuri thakishey, Revenue Settlement Inspector hisap buhi kena. Tai bishi mon di kena manu khan aru community karney kaam kurishey, tai toh hoiley ekta successful thaki kena ahishey, public life tey. Ekta manu hisap tey, tai toh hoiley – , simplicity, honesty, humility, benevolence aru patriotism thak manu thaki kena ahishey, koishey.
Nagaland Governor La Ganesan Laga Funeral Service Loishey, Chennai, State Honour Logotey
Add Comment