MOTIHARI: Pani pump laga nut toh bishi jor para aha nimite panch saal bacha chokora laga mata bhitor te ghushi jaishe. Etu nut toh bacha laga brain te olop para punchanai. Etu ghatna toh Sunday te hoishe. Hoile bhi doctors khan para etu nut toh successfully bacha laga mata para ulabole parishe. Etu surgery toh Bihar laga East Champaran district laga hospital te hoishe.
Etu ghatna toh pani pump laga fan belt bang-gheya samay te hoishe. Etu banga samay te etu nut toh bacha laga mat ate lagi kena ghushishe.
Chhabila Kumar toh Kathriya bosti te thaka bacha ase. Kathriya bosti toh district laga Chouradano police station osor te ase. Chhabila ke Chandra Hospital te anishe. Tai laga chahera te piura khun thakishe aro tai laga mat ate dui inch laga iron lagi kena thakishe.
Bacha khan pain laga pump repair kora jaga osor te khile thakishe. Machine toh trial kora samay te machine laga fan belt toh bangishe aro nut toh jor para bacha laga mat ate lagi kena mata bhitor te ghushi-jaishe. Bacha laga uncle para bacha ke hospital te anishe.
Orthopaedic surgeon Chandra Suvash koishe etu nut toh bacha laga brain te olop para pungcha nai. Chandra Suvash toh district te private hospital cholai. Bacha toh bishi fortunate as eke 20mm laga washer para nut ke bishi bhitor te jabo diya nai. Nut toh bishi bhitor te jaile etu para bacha laga cerebral structure toh biya kuri dibo paribo thakishe.
Dr Suvash koishe ami khan bishi lucky as eke neurosurgeon Rohit Kumar, kun Panta laga PMCH hospital logote ase aro ami khan laga hospital samay samay te visit kuri thake. Tai ami khan logote utu din present thakishe. Ami khan bacha laga condition saishe aro tai ke scalpel te immediately rakhibole decide kurishe.
Dr Suvash koishe etiya nut bacha laga mata para hata pichete bacha opor te eku khatara nai.
Doctor koishe ami khan bacha ke olop din observation under te rakhibo.
Add Comment