August 22, 2025, 05:17 PM: Government laga order dated July 20, 2024 logotey comply kuri kena thaki kena, aru itu serious environmental hazard khan laga view tey, kuntu toh hoiley plastic waste pose kuri thaka para hoa laga asey, itu Additional Deputy Commissioner (ADC), Tizit, Relise Sangtam para single-use plastic khan ban kuriboley laga announce kurishey, itu jurisdiction bhitor tey, Tizit sub-division laga, 1st September 2025 tey para effect tey loi kena.
Itu notification para state kurishey ki, sob single use plastic bottle khan, carry bag khan, kiman kiman mosto patla thakilebi, size, nahoilebi colour khan thakilebi aru plastic pani laga bottle khan, ek litre para komti laga, itu khan sob toh hoiley chulaboley bikaboley ban asey itu sub-division under tey.
Strict para implement kuriboley ensure kuri kena, itu enforcement team toh hoiley regular checking aru inspection kuriboley asey. Galti kuria manu khan, ₹10,000/- daam laga penalty khan face kuriboley asey, itu first offence nimitey, aru ₹20,000/- toh second bar duhriboley parishey koiley, aru judi itu galti toh bar bar kuria laga dhuriboley parishey koiley, itu para tai khan laga trade license khan cancel bhi kuridiboley asey.
ADC para itu bhi urge kurishey citizen khan ke, ki, eco-friendly laga alternative khan chualboley aru ekta safa, aru bhi healthy thaka laga aru aru0bhi environmental responsible sub-division phaney contribute kuriboley urge kurishey.
Add Comment