Arunachal, city gas network pawo kitia BPCL, OIL joint venture form kuri ase

Arunachal Pradesh, 26 August : Arunachal Pradesh joldi ekta city gas distribution network pai lobo karone Bharat Petroleum Corporation Ltd (BPCL) aru Oil India Ltd (OIL) Tuesday din ekta agreement sign korise, juntu joint venture bani project implement koribo. Itiya initiative laga under te, Compressed Natural Gas (CNG) station khan establish hobo aru Piped Natural Gas (PNG) household, commercial unit aru industry khan ke state pura te supply kora hobo. Project laga main aim ase clean energy laga access expand kora aru Arunachal Pradesh laga socio-economic development support kora, juntu sarkar laga gas-based economy vision logot align kori ase. Agreement BPCL laga corporate office, Mumbai te sign hoise, BPCL laga CMD Sanjay Khanna aru OIL laga CMD Ranjit Rath presence te. Khanna koi dise ki itu joint venture BPCL laga nationwide clean energy access extend koribo laga commitment ke highlight kore, North-East uporte special focus kori. Ranjit Rath emphasise kori dise ki itu project OIL karone region te clean aru reliable energy deliver koribo laga ekta dangor step ase. Itiya initiative karone Arunachal Pradesh te quality of life improve hobo, sustainable growth promote hobo aru state laga energy infrastructure bhi majboot hobo.