Mizoram home minister, basic training inaugurate korise 280 notun constables karne

Mizoram, 26 August : Mizoram laga Home Minister K. Sapdanga, August 26 te, Police Training School (PTS), Thenzawl te 280 notun recruit kora constable khan karone noita mahina laga Basic Training Programme inaugurate korise. Tai logot Minister of State B. Lalchhanzova, DGP Sharad Agarwal, IPS aru police aru civil administration laga senior officer khan bhi thakise. Notun recruit khan, state laga sob 11 district pora select kora, ekta comprehensive training program loibo juntu physical fitness, professional gyaan, ethics aru character development milaikena hobo. Revised syllabus te notun criminal law uporot session thakibo, aru cybercrime, forensics, human rights aru community policing uporote expand kora module bhi include kora ase. PTS laga training infrastructure bhi upgrade kora hoise – renovate kora classroom audio-visual aids logot, improve kora barracks aru hostel, modern paani filter system, majboot banai diya parade ground, firing range aru computer lab bhi ase. Official khan koi dise ki etu programme notun recruit khan ke empathetic, community-oriented policing karone prepare koribo, juntu te fairness, commitment aru unbiased service delivery uporote emphasis kora hobo. Training te physical fitness, mental resilience, faisla lobole skills, team spirit aru camaraderie uporot bhi focus kora hobo.