Kohima, 28 August 2025: Nagaland Government, Finance Department pora, State Bank of India (SBI) logot ekta Memorandum of Understanding (MoU) sign kori dise 28th August 2025 te, juntu Finance Department Conference Hall, Nagaland Civil Secretariat, Kohima te rakha hoise. MoU laga mukh objective hoile SBIePay Payment Gateway facility ke State laga Electronic Government Receipt Accounting System (e-GRAS) logot integrate koribo.
Ei integration pora citizens, businesses aru institutions khan nimite government receipts juntu tax, fees, duties aru revenue khan ase, online te easily payment koribo pare. e-GRAS hoile ekta digital platform juntu government nimite safe aru convenient online payment dikhai. Aji pora, etu system Net Banking, Debit/Credit Card, aru UPI logot multiple payment options provide koribo, aru State Treasury logot real-time settlement aru reconciliation bhi ensure koribo.
MoU signing hoile Nagaland laga digital transformation journey te ekta important milestone. e-GRAS ke SBIePay secure payment gateway logot integrate kori dikhai dise je State Government transparency, efficiency aru citizen-centric service delivery te committed ase.
Ei initiative bhi Government laga Digital India aru e-Governance vision logot align kori ase, aru pura Nagaland te e-GRAS full-scale operationalize koribo laga rasta khuli dise.
Add Comment