Imphal, August 29, 2025: August 28 din te. Manipur te Security Forces khan para mili kina operation kurishe koishe. Yete taikhan militants khan ke arrest kuribole parishe koishe. Arubi ban kurea laga saman khan bi paishe koishe.
Officials khan para Henkhokai Singson (32) toh Tamenglong District para ase koishe. Aru Taike Jiribam laga Mulargao Bosti para durishe koishe. Tai laga haat para 22 sabun laga daba paishe koishe. Aru tate Brown Sugar paishe. Tai laga haat bike aru mobile phone paishe koishe.
Alak operation toh Imphal West District te kurishe koishe. Aru Police khan para Phanjoubam Rocky Singh (30) ke durishe koishe. Tai toh KCP laga group member ase koishe. Aru Thanjam Dinesh Singh (19) kebi durishe koishe. Tai bi KCP laga Group member ase koishe. Tai duijun toh manu ke damki dikina poisa mangea karne durishe koishe.
Aru alak KCP kebi kurishe. Moirangthem Meitei (35) ke. Taike Kakching District para durishe. Aru KYKL manu kebi durishe koishe. Takhelachangbam Ibohanbi Sharma (54). Taike Imphal East para durishe.
Add Comment