August 31, 2025, 07:22 PM: Social activist aru youth leader, Colonel (Hony) Parvati Jangid Suthar kun ke toh hoiley “Soldier khan laga Sister” bhi koi kena mati thakey, tai para itu Assam Rifles Campus tey visit kurishey, Mokokchung tey, 30th August 2025 tey. Tai visit kuria toh hoiley, itu mission laga part thakishey, Indian laga defence force khan ke encourage kuriboley aru honour kuriboley karney. Parvati Jangid kun toh hoiley Rajasthan laga Gagariya village para ahishey, tai toh hoiley itu armed forces khan ke, jawa 16 saal para support kuri kena ahi asey. Tai para 4,00,000 para bhi bishi soldier khan ke rakhi bandi kena asey aru tai 2,00,000 kilometre durr jaga khan aru dikdari laga border area khan tey bhi travel kurishey, Ladakh, Arunachal Pradesh aru itu Thar Desert bhi milai kena. Tai laga effort khan toh hoiley ekts strong emotional bond banaishey, manu khan aru itu military majetey. Itu visit laga homoi tey, tai troop khan logotey lok kurishey, tai tai-khan laga kahani khan hunishey aru tai khan ke tai khan laga service nimitey thanks janaishey, itu nation karney. Ekta rakhi banda laga ceremony bhi organize kurishey, kotey tai para soldier khan ke rakhi khan bandishey, protection , trust aru parivar hoa laga ties khan symbolize kuri kena. Tai para officer khan logotey bhi interact kurishey, Assam Rifles laga role toh naam uthai dishey, soldier khan aru local community khan tey modod kuria kena, aru personnel laga felicitation tey bhi join kurishey, kun khan para outstanding service dikhaishey.
Colonel (Hony) Parvati Jangid Suthar Para Assam Rifles Ke Visit Kurishey, Mokokchung, Nagaland Tey
Add Comment