Thursday, 11 September – Department of Financial Services (DFS) RBI aru Bank of Baroda collaboration te 10th September 2025 te Bade Village, Chümoukedima te saturation camp organize kurishe. Etu campaign PMJDY, PMJJBY, PMSBY aru APY nishena financial aru social security scheme promote kuri bole, aru nationwide campaign laga part ase (July 1–30 September 2025). Aim toh ase universal coverage, digital literacy promote kuribole, re-KYC importance aru digital fraud prevent kori bole.
Special Guest Advisor Industries & Commerce, Hekani Jakhalu appreciation janai she Bank of Baroda team ke. Tai koi she, time change hoishe, digital banking dora ek click te finances manage kuri bole paribo. Tai request kuri she Bank branch Bade Village te khulibo karne, juntu bishi household khan ke benefit dibo.
Executive Director, Bank of Baroda, Beena Vaheed speech te koi she financial inclusion toh banking nohoi, kintu social transformation tool bhi ase. Etu manu ke saving, credit, insurance aru pension access dibo, dignity aru identity dibo, aru inclusive growth promote kuri dibo. Tai PMJDY scheme highlight kori she aru KYC update importance janai dishe.
PMJJBY under life insurance ₹2 lakh yearly ₹436, PMSBY accidental insurance ₹2 lakh yearly ₹20, aru Atal Pension Yojana monthly pension ₹1,000–₹5,000 provide kuri thakishe.
Nagaland te 874 Gram Panchayat camp schedule ase, Bank of Baroda 42 camp handle kuri thakishe, juntu 23 already conduct kuri loishe. Programme time te 18 beneficiaries ke sanction letter distribute kurishe. Etu campaign manu ke encourage kurishe financial protection aru inclusive India build kuribole.
Add Comment