IMPHAL, January 11, 2019: Manipur government pora Thursday laga cabinet meeting te etu maani se ki Lok Sabha pora Tuesday te pass kora Citizenship Amendment Bill (CAB) laga jurisdiction pora Manipur toh bahar rakhibo koikena. Etu meeting te etu bi maanise ki centre ke Manipur People’s Protection (MPP) Bill, 2018 logot maani bole khota koribo.
Etu cabinet meeting toh Lok Sabha te pass kora CAB laga mamla ke sabo nimi te thakise. Etu meeting te Chief Minister N. Biren Singh pora chair korise.
Chief Minister laga office pora diya khota te koise ke, Cabinet pora Manipur manu khan ke phabana kori kena, kintoh India laga total population te khali 0.2 per cent ase, etu pora constitutional chottu indigenous population ke bachabo nimi te phabana kori kena kam koribo laage.
Etu nisina, state assembly pora state te thakiya manu khan nimi te Manipur People’s Protection Bill (MPP) toh passed kora pora Manipur manu khan mon aro dangor hoise, enika koise.
MPP Bill toh etu bicche te President of India logote tai laga assent lobo nimi te dise.
Hoilebi Manipur Pradesh Congress Committee (MPCC) pora Manipur laga BJP-led government ke etu diktar Citizenship Amendment Bill nimi te assembly session toh joldi thakibo karne koise.
Add Comment