Sunday, September 14 – Indian boxer Jaismine Lamboria World Boxing Championships te etu bar 57 kg category gold medal jeetishe. Tai final te Poland’s Julia Szermeta, jun Paris 2024 Olympics silver medallist ase, ke haraishe.
Final match toh shuru para tense thakishe. First round te Szermeta 3-2 score para jeetishe, kintu India’s coach D Chandralal koi thakishe Jaismine bishi clean punch dishe aru round toh jeeti bole. Tai laga advice loikina, Jaismine second round te aggressive huishe aru sharp aru accurate punch dishe. Judges khan para unanimous 5-0 score Jaismine ke dishe.
Lead pa thaka pichete, Jaismine last round te strategy change kurishe. Tai height advantage use kurishe, fast movement aru counter-attack dia shuru kurishe. Tai laga opponent ke confuse kuri thakishe, aru calm rahikena score advantage bachai thakishe last bell tak.
Coach Chandralal allegation uthaishe ki Polish coaches disruptive tactics use kurishe, etu karone tai clapping kurishe jodi bhi Jaismine punch score kuri thakishe, tai Jaismine ke confused aru mislead kuribole attempt kuri thakishe. Hoilebi Jaismine composed thaikena fight toh complete kuri dishe.
Etu jeet Jaismine karone bishi strong campaign result anishe. Tai previous bouts charta(four) bhi unanimous decision te jeetishe. Semi-final te Venezuela’s Olympian Alcala Segovia ke haraishe, aru Brazil’s second seed Romeu Jucielen ke defeat kurishe.
Etu achievement khali tai laga personal victory nohoi, kintu India boxing prospects bhi improve kurishe Olympic weight category te. Jaismine laga future international tournament te ekta strong contender hobo laga sign dikhai dishe.
Add Comment