New York, 15 September : Colombian-American actor Sofía Vergara Sunday rati 77th Primetime Emmy Awards miss korise, karon tai ekdom “craziest eye allergy” face koriaw, event te naja agey last moment te.
53 saal laga actor Instagram te photos aru videos share kori dise, juntu te tai laga suku visibly swollen dekhaise. Tai caption te likhi dise: “Didn’t make it to the Emmys but made it to the ER. Sorry I had to cancel! Craziest eye [allergy] right before getting in the car!”
Tai hospital bed pora ekta video aru ekta clip post korise, kutey tai suku paani dia rinse kori thakia dekhaise.
Sofía multiple times nominated hoi thakile bhi, Modern Family aru Griselda role karone, etiya tak tai ekta Emmy bhi jiti painai. Modern Family to record hold kori thakia outstanding comedy series category te — 11 season run (2009–2020) majote paanch trophy jitise, Frasier logot tie kori ase.
Tai ekla nohoi juntu announced presenter absent thakise. Actor Eric Dane, juntu amyotrophic lateral sclerosis (ALS) diagnose kora hoi ase, Grey’s Anatomy 20th anniversary segment part hobo kuina scheduled thakile bhi attend koribo parianai.
Emmy ceremony Peacock Theatre, Los Angeles, US te host kora hoise, kutey Seth Rogen dangor win loi dise, stage pora political statements ahise, aru standout moments bhi thakise — glamorous gowns pora host Nate Bargatze laga widely panned comedy bit tak.
Add Comment