Mumbai, September 16 – Bollywood laga veteran actor Jackie Shroff Instagram te ekta video share kurishe etu video te ekta ambulance Mumbai traffic te block thakishe.Etu video te dekhai she ki, ambulance age jabole struggle kuri thakishe traffic jam bishi thaka karone aru tai para highlight kurishe ki eneka consequences te live toh risk te thaki jai. Jackie Shroff concern express kurishe aru likhise, “Raaste pe hi dum tod Dega” (Life road te hai loss hobo pare) aru driver laga awareness question kurishe, “Magar itna khopdi kidhar hai” (Driver laga matha te sense kute ase?) eneka comment kurishe.
Social media tepost khan upor te bhari reaction ahishe. Bishi users khan highlight kurishe ki potholes aru road condition kharap ase, aru careless driving traffic jam laga main reason ase koikina mention kurishe. Bishi comment stressed out kurishe ki emergency vehicle khan ke fast move kuribole infrastructure improve kuribo lage aru driver logote awareness uthabo lage.
Shroff laga message civic responsibility aru life-saving importance highlight kurishe.Tai authority aru citizens khan ke request kurishe ki traffic problem solve kuribole aru ambulance aru emergency vehicle khan ke free movement ensure kuribo lage.
Professional side te, Jackie Shroff laga latest action-thriller series Hunter: Tootega Nahi Todega Amazon MX Player te release hoishe. Aru tai laga upcoming romantic drama Tu Meri Main Tera, Main Tera Tu Meri te Kartik Aaryan aru Ananya Panday logote dehkibole ase, 2026 te release hobo.
Jackie Shroff laga post te highlight kurishe ki Mumbai traffic management aru responsible driving important ase. Infrastructure improve kora aru civic awareness uthabole lage. Civic awareness toh khali ekta convenience nohoi hoilebi life aru death laga matter ase.
Add Comment