Imphal, September 17, 2025: Manipur Police aru Security Forces khan para KCP, UNLF aru PLA laga group member ke arrest kurishe koishe. Etu toh State laga alak alak districts khan para durishe koishe. Aru yete taikan para banduk, Documents aru Group khan laga materials khan paishe koishe.
KCP group laga 3da manu ke arrest kurishe koishe. Etu arrest kurea khan toh Thangjam Yaiphaba Meitei (31), Sanjrambam Loha Meitei (29) ase. Tai duijun toh Imphal East laga Mamang Leikai para ase koishe. Aru alak wala toh Tonjam Hemon Singh (46) ase koishe. Tai toh Imphal East laga Tangkham Maklha Meikai para ase koishe. Taikhan ke Imphal east laga Khabam Lamkhai Bazae aru Hatta Kangjeibung jaga para durishe koishe. Taikhan laga haat para Mobile phone, Aadhaar card, KCP Letterheads, Bank-Targetted Envelopes, poisa khan paishe koishe.
Thoubal tebi duita UNLF member ke durishe koishe. Tai duiju toh Huidrom Sangba (40) aru Ningombam Birban Meitei (43) ase koishe. Taikhan laga haat para Mahindra Bolero, Aadhaar Card, Mobile Phone, SIM Cards, ATM Cards aru Gari laga Documents paishe koishe.
Duita PLA member kebi Bishnupur para durishe koishe. Tai duijun toh Salam Brojen Meitei (41) aru Oinam Mani Singh (42) ase koishe.
Add Comment