Budapest, 17 September : India laga star javelin thrower aru defending champion Neeraj Chopra World Athletics Championships 2025 laga men’s final te qualify kuri loishey, tai laga first attempt te 84.85 meters throw kurikena. Neeraj etiya try kuri ase world championships gold title defend kuri thaka history te third male javelin thrower bonibole. Tai itu gold 2023 edition Budapest te jiti thakise. Qualification mark 84.50 meters thakise. Olympic champion aru Pakistani player Arshad Nadeem bhi Tokyo te cholithaka World Athletics Championships 2025 te participate kuri ase.
Last edition laga World Championships Budapest te, dui saal age, Neeraj Chopra history create kuri India laga first world champion athletics te boni thakise 88.17 meters throw kuri. Arshad Nadeem silver loye thakise 87.82 meters te. Global challengers majot, in-form Julian Weber season leader ase 91.51 meters throw te aru Diamond League champion bhi ase. Etiya competition Tokyo te dangor weight add kuri thaka dusra player khan hoise — dui bar world champion Anderson Peters, 2012 Olympic gold medallist Keshorn Walcott aru Tokyo 2020 silver medallist Jakub Vadlejch.
Add Comment