Beijing, 17 September : Two-time Olympic medalist PV Sindhu Tuesday din ongoing China Masters te tai laga campaign shuru kuri loise Denmark laga Dawall Jakobsen uporte first round te jut loise.
ESPN hisab te, Sindhu tai laga opponent Jakobsen ke two straight games te harai dise 21-5, 21-10 score te khali 27 minutes majot. Itu competition te Sindhu agey jabole bishi important hobo, karon etiya tak tai laga season bishi bhal nohoi, karon BWF World Tour etiya saal te choy bar first-round exit face kuri thakise. Sindhu shuru te dangor lead loina first game sirf 10 minutes majot wipe off kuri loise. Itu pattern second game te bhi continue hoise, juntu te Sindhu 17 minutes majot game close kuri Jakobsen ke third time haraidise.
Veteran shuttler etiya aim kuri ase clock roll back kuri repeat kuribole tai laga heroics China te, juntu te tai 2016 te China Open jiti thakise. Itu saal te tai laga best performance hoise India Open aru BWF World Championships te quarterfinal finishes.
Pichete, Ayush Shetty disappointing outing face kuri loise, karon tai sixth-seeded Chou Tien Chen uporte first-round exit face kuri loise 19-21, 21-12, 16-21 score te ekta close battle majot. Indian star bhal fight dina match ke decider loi thakise, kintu win secure kuribo parianai.
Ayush etiya tak khali Indian ase kun BWF World Tour scene te title capture kuri thakise, karon June mahina te US Open title jiti thakise, Canada laga Brian Yang ke finals te harai dise. Itu tournament ajikali shuru hoise aru September 21 tak cholibo.
Add Comment