Thursday, 18 September – Indian Army dangor speed te drone aru counter-drone system use kuri ase. Bishi unit olop time majote operational hoi jabo, aru Drone Centre khan bhi establish hoi ase training academy te, jiman Dehradun te Indian Military Academy, Mhow te Infantry School, aru Chennai te Officers Training Academy. Etu step laga main aim toh Army laga sob arm te soldier khan drone operate kuribole ase. Aji, Chief of Army Staff Likabali, Arunachal Pradesh te ekta facility visit kurishe, juntu Army laga drone capability upor te dhyan dikhai dishe.
Officials khan eneka koishe ki Indian Army approach toh “Eagle in the Arm” concept para captured kurina ase– mane sob soldier drone operate kuribole capable hobo lage, kinika taikhan hatiyar toh hath te thake. Unit kiman task pai ase, etu hisap te drone khan use hobo combat, surveillance, logistics, kiman medical evacuation nimite. Counter-drone system bhi side-by-side induct kurishe, ekta layered system banai kina drone khan use aru neutralize kuribo nimite.
Army Chief Gen Upendra Dwivedi laga 26th Kargil Vijay Diwas Dras July 26, 2025 speech te emphasise kurishe transformation upor te. Tai announce kurishe ki sob infantry battalion laga nijor drone platoon thakibo, artillery regiment khan counter-drone system aru loiter munition use kuribo, aru composite Divyastra battery bhi banabole precision aru survivability barabo karone. Tai koishe, “hamari maarak kshamata ab aane wale dino mein kai guna badh jaayegi”, juntu Army laga fast modernisation dikhai dishe.
Etu dual strategy toh – soldier khan ke drone use kuribole aru counter-drone defence strong banabole – dikhai dishe ki Indian Army bujhi loishe drone aru unmanned system ekta normal battlefield laga part hobole.
Training institutionalise kura, unit operationalise kura, aru force structure align kura toh, Indian Army ensure kuri ase ki “soldier of tomorrow” khali weapon nohoi, kintu ekta eagle – mane drone – bhi hath te loi jabo, juntu taikhan laga vision, reach aru battlefield power barai dibole kurishe.
Add Comment