Chumoukedima, 18 September – World Bamboo Day 2025 18th September 2025 te Nagaland Bamboo Resource Centre, 6th Mile, Sovima, Chümoukedima te celebrate kurishe, aru etu sal laga theme toh “Next Generation Bamboo: Solution, Innovation & Design” thakishe. Programme Development Commissioner, Temsunaro Aier, IAS, Special Guest hisap te grace kurishe.
Aier nijor address te bamboo ke Nagaland laga “green gold” koikina describe kurishe. Tai bamboo laga cultural, ecological aru economic importance upor te highlight kurishe. Tai stakeholders khan ke bamboo legacy ke pride aru responsibility logote continue kuribole urge kurishe. Tai bamboo food, shelter, craft, art aru livelihood te role play kora bhi mention kurishe. Tai sustainable practice laga dorkar, bamboo laga fast growth, carbon absorb kora aru soil conservation benefits bhi stress kurishe, climate change fight kuribole ekta strong support hisap te.
Tai Nagaland Bamboo Development Agency (NBDA) khan ke commend kurishe ki etu bamboo-based enterprises promote kori thake, artisans train kori thake aru SHG khan ke support kori thake. Tai koishe handicraft, furniture, incense sticks, blinds, mats aru bamboo shoots product khan recognition pai ase aru Nagaland ke bamboo industry hub banai dishe.
Celebration laga part hisap te, Aier announce kurishe ki ekta state-of-the-art Cane and Bamboo Technology Park Nagaland Bamboo Resource Centre te establish kuribo. Etu ekta research, training aru production centre hobo. Ekta week-long training programme bhi launch kurishe 26 artisans khan karone, jiman khan bamboo design, manufacturing aru value addition te nijor skill improve kuribole karone. Certificates aru machinery distribute kuri she rainees khan ke, aru Bamboo Entrepreneur Award Bukhaio Khiamniungan ke di dishe.
Etiya ekta special publication release kurishe aru title toh “Facilitating Ease of Doing Business in the Bamboo Sector in Northeast India: Removal of Compliance Burdens” aru CII (Confederation of Indian Industry) khan logote collaborate kurikina ase.
Programme shuru hobo time te Special Guest arrival aru World Bamboo Day flag host kurishe, NBDA Team Member Mhonlumi Patton para chair kurishe. Invocation Pastor Asi Angami (Angami Baptist Church, Razhüphe) para kuri dishe, aru welcome address NBDA Chairman, Nuzota Swuro para dishe.
Event te bamboo theme song perform kurishe Musik-A School khan para aru keynote address Kuko Mero, NCS, State Mission Director, NBDA para dishe. Tai koishe ki Nagaland te 43 species bamboo ase aru bamboo-based sustainable development karone bishi potential ase. NBDA 1506 hectares block plantation complete kuri loishe, 200 para bishi entrepreneurs aru artisans khan ke train kurishe aru 2 Common Facility Centre establish kuri dishe juntu 500 para bishi employment generate kuri ase. Agency pora processing units, nursery with 1.5 lakh saplings, rural haats, bamboo bazaar establish kurishe aru Nagaland Handicrafts Emporium New Delhi aru Kolkata te upgrade kuri dishe “Naturally Nagaland” brand name te.
Add Comment