Tizit, 18 September – Rajya Sabha Member of Parliament, S. Phangnon Konyak, 17th September 2025 te CHC, Tizit, Mon te District Level Swasth Nari, Sashakt Parivaar Abhiyaan launch kuri dishe.
Gathering ke address kuri thaka time te, MP Phangnon etu Abhiyaan laga purpose aru objective ulai dishe aru community leaders khan ke awareness create kuribole encourage kurishe, jate sob targeted citizens khan etu initiative para benefit lobo pare. Tai aru koishe ki NDA government, Prime Minister Modi laga leadership te, bishi welfare scheme introduce kuri ase citizens khan laga upliftment karone. Tai sob ke active participate kuribole aru benefit avail kuribole urge kuri dishe, aru remark kurishe ki nijor household ke care kuribole bhi ekta nation building laga part ase.
SDO (C) Tizit, Tumben Tsanglao aru Chairman, HCMC CHC Tizit, Penkham bhi short speech deliver kuri dishe. Programme CHC Tizit laga Surveillance Worker, Alih para chair kuri dishe. Invocation TTBC Pastor, Wennyei Konyak para kuri dishe. Welcome address aru vote of thanks DPO CD-II Mon, Dr. Ngopelo Keviechu aru MO CHC Tizit, Dr. Taliwati para dishe.
Occasion te CHC Tizit te ekta Health Camp arrange kuri dishe juntu public karone consultation aru service provide kuri ase. District Level Launch programme shuru hobo age te, gathering khan National Level Virtual Launch of Swasth Nari Sashakt Parivaar Abhiyaan Prime Minister Narendra Modi para join kurishe
Add Comment