Longleng, 18 September – Longleng Town Students Union (LTSU), District Administration aru District Dobashis logote milikina, 15th September 2025 te ekta bhisi dangor inspection drive Longleng Town te korishe juntu expired aru substandard goods khan check kuribo karone.
Inspection team administration officer, Dobashis aru LTSU members milikina town laga bishi shops aru business establishment visit kurishe. Etu drive joint effort hisap te shuru kurishe public health protect kura aru consumer safety ensure kuribo karone. Inspection time te, goods khan expiry date, thik thak labelling aru storage standard ase nanai, sob thoroughly check kurishe.
LTSU officials para koishe ki union public, specially student community aru local residents khan laga interest protect kuribole committed thake. Taikhan aru stress kuri dishe ki expired goods sell kora ekta serious health risk ase, taikhan sob business establishment khan ke responsible hobole aru legal standard follow kuribole dorkar ase.
District Administration aru Dobashis, LTSU khan proactive step loa karone appreciate kuri dishe aru assure kurishe ki future te bhi etu dhor karone support kuri thakibo.
Inspection team defaulters khan ke caution kurishe etu repeat na koribole, aru janai dise ki consumer safety norm violate kora khan logote strict action lobo.
Etiya etu joint effort civil society organization aru administration laga ekta shared commitment reflect kuri ase, safer aru healthier Longleng build kuribo karone.
Add Comment