Tening, 18 September – 1st Inter-Departmental Badminton Tournament 18th September 2025 te Tening Sub-Division te shuru hoishe, aru occasion ADC Tening, Furhesie Nyuwi, NCS, special guest hisap te grace kuri dishe.
Address te, Nyuwi koishe ki tournament laga main purpose khali jeetibole nohoi, kintu cooperation, coordination aru camaraderie government department aru employee khan majote develop kuribo karone ase. Tai remark kurishe ki, “Etu ekta platform ase juntu para ekjon aru ekjon ke janibo pare aru area laga manu khan logote milibo pare.” Tai sports promote kuribo karone youngsters majote importance highlight kuri dishe aru healthy lifestyle encourage kuribo karone bhi koishe. Organizing committee laga effort bhi tai appreciate kuri dishe. Speech last te tai participants khan ke urge kurishe , “Let your racquets speak and your shuttles fly.”
Tournament te 21 para besi men’s doubles team aru 14 mixed doubles team participate kuri ase, aru matches September 19, 2025 te culminate hobo.
Programme laga chair toh SDAO Tening, Samsangheile thakishe. Welcome aru keynote address SDO PHED Tening, Er Volie Rentta para dishe, aru vote of thanks VP GHSS Tening, Rosca Jimo para pronounce kuri dishe.
Event toh Badminton Club Tening para organize kuri ase, juntu government department aru employee khan ke sportsmanship aru unity laga spirit majote loi ahi thakibo karone
Add Comment