Agartala, September 19, 2025: Yete kheti kurtea manu Sachindra Debbarma toh 50 saal ase koishe. Aru yete tai toh Rs 1 lakh poisa cash bi julishe, aru tai laga ghor saman khan bi pura julai dishe koishe Jui para.
Police khan laga hisab te. Sachindra Debbarma aru tai laga family members toh Lefunga Block laga Mania Para Bosti te thakhea koishe. Aru taikhan toh shadi laga party te jaishe koishe. Yete taikhan tate enjoy kurea homoi te. Sachindra Debbarma laga ghor toh jui lagishe koishe, aru taikhan khobor pai kina phat wapas jaishe koishe, hoilebi taikhan laga ghor toh juli kina paishe koishe.
Yete Fire Brigade Vans khan bi ahi kina etu jui tohmutai dishe koishe, yete saman pura julai dishe, Rs 1lakh poisa bi, khali tinna he bachi kina thakhishe koishe. Yete Sachindra toh bishi munduk hoishe koishe, aru koishe ki, etu Rs 1 lakh toh tai laga bacha maiki laga bacha nimete rakhi kina thakhishe koishe. Yete Block Advisory Committee Chairman of Lefunga bi Sachindra laga ghor te ahishe koishe, aru yete taike modot kutibole khbor toh dishe koishe.
Add Comment