Tokyo, 19 September : Neeraj Chopra laga World title defend koribo try kora Thursday din Tokyo te World Athletics Championships laga javelin throw final te dukh disappointment te finish hoise. India laga duibar Olympic medal winner Chopra rhythm panai aru bhal performance produce koribo parianai, aru eight number te finish hoise. Tai laga best effort 84.03m thakise, juntu tai laga personal best 90.23m (Doha te season shuru te achieve kora) te compare korile far behind thakise.
Kintu event te India karone dangor asha bhi dekhai dise, karon 23 saal laga Sachin Yadav World Championship laga prothom outing te sabke surprise korina sensational fourth finish hoise, bronze medal miss kori sirf 40 centimetre te Japan National Stadium te.
Trinidad aru Tobago laga Keshorn Walcott 2012 London Olympic te gold jiti thaka pora 13 saal piche World Champion title wapas pai loise, tai laga season best 88.16m throw te. Granada laga duibar World Champion Anderson Peters silver loise 87.38m te, aru USA laga Curtis Thompson bronze jiti loise (18 saal pora USA karone prothom javelin throw World medal), tai laga best throw 86.67m thakise.
Yadav consistent throw kori thakise, Chopra ke hisab te bisi famous nohoile bhi. 2023 laga World Champion aru 2020 Olympic gold medal winner Neeraj te tulona korile, Yadav fourth finish hoise 86.27m te — medal pabo naparile sirf 0.40m gap karone. Kintu 23 saal laga Yadav dangor experience gain kori loise, juntu future te tai karone bisi beneficial hobo.
Chopra eighth finish kora time Pakistan laga Olympic Champion Arshad Nadeem (surgery pora recover kori thaka) 10th finish korise best throw 82.75m te. Germany laga season leader Julien Webber sixth hoise 85.54m te.
Itu raati dangor javelin throwers laga hisab te alag experience thakise. Olob drizzle aru hawa strong thakise, juntu ekta side te helpful thakise, aru ekta side te tough bhi thakise. Competition first round pora ulta hoi jaise. Germany laga Julien Webber (91.51m), India laga Neeraj Chopra (90.23m), aru Pakistan laga Arshad Nadeem (92.97m Olympic gold Paris te jiti thaka) — tinita dangor throwers struggle kori laggard te ghusijai thakise.
Chopra first throw 83.65m, Nadeem 82.73m, Webber 83.63m, aru Yadav dangor performance kori 86.27m te personal best break kori third place te thakise Peters aru Thompson laga pisat. Kintu porer round te tinita bar performance uthi bole parianai.
Second round te Chopra 84.03m throw kori eighth te thakise, Nadeem 82.73m te 11th thakise, aru Webber 86.11m throw kori fifth te uthise. Yadav second throw foul kori fourth te slip kori jaise. Nadeem first cut survive kori loise, juntu time Czechia laga Jakub Vadlejch aru Australia laga Cameron McEntyre out hoi jaise.
Next round te Nadeem foul kori out hoi jaise. Chopra third aru fifth throw foul kori drop out hoi jaise. 2023 Belgrade te World Championship gold aru 2022 Eugene te silver jiti thaka Chopra, Tokyo te — tai laga Olympic triumph laga venue — disappointment te finish kori loise. Tai laga coach Jan Zelezny (World record holder) logot kotha patise, aru last throw karibo dise Yadav ke support kori congratulate korise.
Sachin Yadav medal fight te thakise, tai 84.90 aru 85.96m throw produce kori loise, aru last sixth throw modest 80.95m thakise. Kintu itu raati Yadav karone memorable thakise, karon 25 saal laga Uttar Pradesh pora ase thaka itu thrower Chopra pora paanchta better throw produce korise.
Walcott round two te 87.83m throw pora lead loise, aru round four te 88.16m throw te confirm kori second global title jiti loise. Anderson Peters silver loise 87.38m second round throw te, aru USA laga Curtis Thompson 86.67m te bronze loise. Kenya laga Julius Yego halfway te medal fight te thakile bhi hamstring injury karone event complete kuribo parianai, aru sixth place finish korise 85.64m te.
Add Comment