September 20, 2025, : Itu Additional Deputy Commissioner Longleng, Alongdhimen Jamir NCS para itu public safety laga interest tey, public property laga maintenance karney aru itu Longleng laga public local ground thik para chulaboley ensure kuriboley, assign kuri kena thaka activity khan nimitey, order dishey ki:
Sob gari khan entry kuria aru aha jawa kuria, practice kuriboley/ shikhiboley drive kuriboley, itu ground tey, itu toh hoiley strict para prohibit asey, phat para effect loi kena.
Sob gari khan entry aru exit kuria toh hoiley, itu designate kuri kena thaka, side raasta khan, itu local administration para identify kuri kena thaka tey para hey hobo.
Itu order toh hoiley, itu sob individual khan, department khan, institution khan aru agency khan ke apply kuriboley asey, private aru commercial aru governmental gari khan bhi milai kena, tai khan agey para office para likhi kena permission nadiya tak.
Judi kunba itu order namani kena khushi khushi kurishey koiley, tai opor tey action loboley asey, fine khan aru gari khan bhi seize kuri loboleyasey.
Itu order toh hoiley, eneka hey thakiboley ey, aru notice nadiya tak, aru judi itu notice toh hataboley asey koiley, itu office para hey notify kuribo.
Add Comment