Arunachal Pradesh: KGBV student murishe. Hostels Warden ke durishe

Tani Happa, September 21, 2025: Saturday Phuzur te. Kasturba Gandhi Balika Vidyalaya (KGBV) laga 13 saal student toh murishe koishe. Etu toh Papum Pare District te ase koishe. Yete parents khan laga hisab te. Hostel laga Authorities khan toh thik homoi te dawai nadea nimete murishe koishe. Yete duita Hostel Warden maiki ke durishe koishe. Yete case Under Section 106 of BNS tohSagalee Police Station te registered kuri dishe koishe. Etu murea Student toh Yazali Circle of Keyi Panyor District laga Pochu Bosti para ase koishe. Police khan laga Khobor hisab te. Etu maiki toh pet bia hoi kina thakhishe. Aru ula aru bukhar thakhishe koishe Friday phuzur te. Hoilebi tai laga halat toh rati te aru bishi bia hoishe koishe. Yete taike School laga Chowkidar scooter para CHC te loi jaishe koishe. Hoilebi Doctors khan para koishe ki. Maiki toh murishe koi kina janaidishe.