COPU Para Status Assess Kurishey, Mini Cement Plant Laga, Wazheo Tey

September 23, 2025, 04:55 PM: Itu Committee on Public Undertakings (COPU) para Dr. Sukhato A. Sema laga chairmanship under tey, ekta “Study Tour” loishey, itu Mini Cement Plant (MCP) laga status verify aru assess kuriboley karney, Wazeho tey, 17^th & 18^th September, 2025 tey. Tai ke Committee laga Member – Dr. Neisatuo Mero aru ekta special invitee MLA 20- Meluri A/C aru New & Renewal Energy nimitey Advisor, Nagaland State Disaster Management Authority, Z. Nyusietho Nyuthe aru itu Nagaland Legislative Assembly Secretariat laga Official khan para accompany kuria laga thakishey.

Itu Committee para nijey para itu duita Porject khan inspect kurishey, 150 TPD Mini Cement Plant (MCP) aru itu Decorative & Dimensional Stone Plant (DDSP), Wazeho tey. Itu inspection laga homoi tey, itu Committee ke inform kurishey itu NSMDC para, ki, itu Mini Cement Plant (MCP), Wazeho toh hoiley M/S Ramung Enterprises ke lease tey diya laga asey, 30 saal nimitey, aru duita party khan majetey MoU sign bhi kuria laga asey, 12^th November 2024 tey. 

Itu Committee para Administration Office set up kuriboley lagey nishina bhabana kurishey, Wazheo tey, kiley koiley itu toh hoiley jaroori asey, structure, organization, aru efficiency provide kuriboley laga, business operation khan nimitey.