Mon Vale College Tey Consumer Awareness Programme Loishey

September 23, 2025, 05:40 PM: Itu Legal Metrology & Consumer Protection laga Department para Mon Vale College logotey collaborate kuri kena, Consumer Awareness Program organize kurishey, 23^rd September, 2025 tey, at Mon Vale College tey. Itu event tey “Legal Metrology and Consumer Protection: The journey towards Viksit Bharat 2047” laga theme under tey loishey.

Sr. Inspector LMCP Mon, Er. Nganyei Konyak para itu Department laga behalf tey kotha kuri kena, Consumer Rights’ aru Responsibility khan laga bhi mention kurishey, aru tai para student khan ke challenge kurishey, bhal para equip thakiboley aru itu gyan toh bhal para chulaboley koishey. Tai para itu Department toh keneka function kurey aru ki ki activity khan kurey, Legal Metrology Act 2009, Packaged Commodity Rules ru Enforcement Rules laga hisap tey, itu laga opor tey khata para koishey.

Tai para pichetey koishey ki, itu kuria para Visit Bharat 2047 mission laga develop, empower aru inclusive kuriboley paribo. Asst. Professor, Yongkai Y Phom para itu programme chair kurishey. Itu programme toh hoiley invocation para shuru hoishey, Ex-Deaconess KBCM, Toihon para.