Aizawl, September 24, 2025: Mizoram Police khan para janai dishe ki. Taikhan State laga sobse dangor Heroin durishekoishe. Yete taikhan 15 kg laga durishe koishe. Etubi duita Myanmar manu laga haat para. Aru alak Operation te taikhan para 70 kg laga Methamphetamine Tablets durishe koishe. Etubi Rs 9 Crore laga daam ase koishe. Yete first Case toh August 23 din te hoishe koishe. Yete Saitual Police khan para Gari ekta ke rukhai she koishe. Yete Case No. 63/2025 Under NDPS aru Foreigners Acts laga connection te. Etu driver toh Lalliancheua (20) ase koishe. Aru gari malik toh Lallianmawia (25) ase koishe. Tai duiju bi Maynmar para ase koishe. Hoilebi Aizawl te thakhea ase koishe. Taikhan laga haat para 6 kg Heroin durishe koishe.
Aru September 18 din te. Authorities khan para gari khulea pichete taikhan aru 9 kg Heroin toh paishe koishe. Etu khan black market te Crore laga daam ase koishe. Aru alak Operation toh Champhai Police khan para kurishe. Yete Zokhawthar laga Police khan laga Khobor loi kina kurishe. Yete SI Lalhunthara aru MPS Officer Lalrinzuali khan para Team led kurishe koishe. Etu toh SDPO Vivek Kumar Maurya laga supervision bitor te kurishe koishe. Aru taikhan para 70.2 kg laga Methamphetamine Tablets durishe koishe. Yete 656,500 Pills nishina khan toh 65 Bundles te pack kuri kina thakhishe koishe, Etu toh Zotlang te thakhishe koishe. Yete 27 Saal Lalnunthara ke durishe koishe. Tai toh Champhai laga Dinthar Veng para ase koishe.
Add Comment