Agartala, September 25, 2025: Yete Police khan manu khan durea lebi. Tripura laga State te alak jaga khan te drugs aru Ganja khan bishi uthea ase koishe. Yete sobse nutun khobor te. Churaibari Police Station laga jaga Dharma Nagar subdivision te. Police khan para 8 Thousands Yaba Tablets durishe koishe. Aru yete Drug Bika manu Kamar Uddin (45) ke durishe koishe. Aru tai laga bike bi uthai loishe koishe.
Police khan laga khobor hisab te. Taikhan para koishe ki. SDPO Jayanta Karmakar para phank rakhi kina ase koishe. Baghon Gazarbil jagate. Aru yete tarika kuri kina. 10:00 phuzur te. Drug bika manu Kamar Uddine toh ahishe koishe. Tai laga bike para. Etu toh Assam para ahi thakhishe koishe. Aru Police para rukhai dishe koishe. Aru bisarea pichete. Police khan para Rs 40 Lakh laga Yaba Tablets durishe koishe.
Aru NDPS Act aga bitor te. Taike arrest kuri loishe koishe. Etu manu toh Assam laga Baghon Bosti te thakhea manu ase koishe. Aru alak operation te. Churaibari Market te. Police khan para 10 kg laga Ganja paishe koishe.
Etu upor te aru alak operation toh Amtoli By pass jagate kurishe koishe. Yete Police khan para 60 kg laga Ganja durishe koishe. Etu toh Sentu Chandra Das (35) laga haat para paishe koishe.
Add Comment