Abu Dhabi, 25 September : AFC Futsal Asian Cup 2026 Qualifiers te, India laga team Mongolia ke 3-0 te harai dise, aru itu India laga first-ever international futsal jeet hoise. Itu match last Group A clash te, Ardiya te khelise jaa kali shaam te. Desh te futsal tou ahibole suru kori thaka ekta khel ase, aru itu dangor result India futsal laga ekta turning point hobo pare. India laga star player Sean D’Souza do duita goal score kori dise — ekta first half te aru ekta second half te. Anmol Adhikari bhi ekta goal mari dise, juntu third aru last goal hoise.
India agey te qualifiers para eliminate hoijai thakise, karon Kuwait aru Australia ke khel te haraijai thakise. Kintu Mongolia laga upor te itu jeet te, India Group A te third place te khotom korise.
Add Comment