September 26, 2025, 04:36 PM: Itu Nagaland Civil Service (Probationers) 2024 Batch nimitey Bharat Darshan programme shuru hoa laga thakishey, 9th September, 2025 tey para, ekta hapta laga attachment logotey, Institute of Management in Government (IMG) – Kerala tey.
Itu IMG tak tey study tour kuria laga focus area toh hoiley, bhal governance aru tourism sector opor tey focus kuria laga thakishey. Tai khan itu Kerala Administrative Service Officer khan logotey interact kuria laga thakishey, aru itu pichetey, ekta session loishey, Good Governance – Kerala Perspective opor tey. Itu attachment laga homoi tey, field visit khan kurishey, Kerala Art & Craft Village, Start Up Mission, Centre for Tuber Crops Research Institute (ICAR – CTCRI), Alappuzha Houseboat Project of District Tourism Promotion Council (DTPC), aru Kanyakumari tey.
Kanyakumari toh hoiley sob para nichey tey thaka laga jaga asey India map laga. Teenta major (sob para dangor) pani thaka jaga khan – Arabian Sea, Bay of Bengal aru itu Indian Ocean asey- Kanyakumari logotey converge thaki kena.
Itu probation khan toh hoiley, itu duniya jani thaka humanitarian leader Mata Amritanandamayi ke bhi lok kurishey. Tai laga organization itu M.A. Math toh hoiley duniya laga bishi jaga khan tey, charitable activity khan kurey, itu top ranked private university khan bhi milai kena – India- Amrita University aru itu toh hoiley bishi majetey ekta dangor private hospital khan majetey ekta asey, itu country tey – Amrita hospital, koi kena.
Itu probationer khan aru bhi ekta-hapta laga attachment tey, sob manu khan ATI (Administrative Training Institute), West Bengal aru SIPARD (State Institute of Public Administration aru Rural Development), Tripura tey visit kurishey.
Add Comment