September 26, 2025, 05:00 PM: Itu District Administration, Dimapur para Kevijau Women Organisation logotey collaborate kuri kena, ekta workshop organize kurishey, Waste Management aru Composting method khan opor tey, waste khan julawa ke alternative kuri kena, itu National Clean Air Programme (NCAP), 24th September, 2025 tey, Kevijau Colony, Dimapur tey. Itu event toh hoiley sustainable waste disposal practice khan promote kuriboley karney, aru community participation encourage kuriboley karney, ghor khan aru community waste management tey, hawa tey pollution hoa opor tey samjhaboley kuri kena, kuntu pollution toh hoiley waste julawa para hoi thakey. Itu programme toh hoiley, Kevijau Women’s Organisation (KWO) laga President – A. Obangmenla Jamir para chair kuria laga thakishey.
Itu keynote deliver kuri kena, Imlijungla, EAC Dimapur para eco-friendly waste management practice khan juldi para adopt kuriboley lagi thaka laga stress kurishey, bari thaka pollution level khan ke combat kuriboley karney. Tai para janaishey ki, safa hawa toh hoiley sob para basic need asey, ekta healthy jeevan thakiboley karney, hoilebi itu toh hoiley bishi biya hoi jai thaki kena asey, gari khan, industry khan, letra jabra julawa aru alag ki ki manu khan kuria para. Tai para highlight kurishey ki, itu NCAP, kuntu toh hoiley Environment, Forest aru Climate Change laga Ministry, GoI para launch kuria laga thakishey, 2019 tey, itu para hawa tey hoi thaka laga pollution toh komti kuriboley kusish kuri asey, 2026 tak tey.
Add Comment