New York, 26 September : Lionel Messi duita goal score kori aru ekta assist di Inter Miami CF ke 4-0 pora New York City FC uporte dominate kori thakise, juntu pora club MLS Cup Playoffs te qualify kori loise. Itu win pora Inter Miami third consecutive year postseason te advance kori loise. Midfielder Baltasar Rodríguez aru striker Luis Suárez bhi ek-ekta goal score kori loise Citi Field, New York City te khela match te.
Panchta match baki thaka time te, Supporters’ Shield laga reigning champion Inter Miami Eastern Conference te third position te thaki ase (55 point; 16 win-6 loss-7 draw). Club Round One Best-of-3 Series te home-field advantage bhi secure kori bole chance ase, juntu laga ultimate target hobo club laga prothom MLS Cup title. Miami already 2026 Concacaf Champions Cup te jaga confirm kori loise, karon last summer te taike Leagues Cup 2025 final reach kori loise. Taike itu saal FIFA Club World Cup te bhi knockout round te historic run marise.
Messi laga performance bhi MLS MVP karone dangor contender bona thaki ase. Argentine megastar Messi 23 match te 37 goal contributions (24 goal, 13 assist) di ase, aru Golden Boot (Audi sponsor kora) claim koribo karone bisi dangor chance ase. Itu pora Messi MLS history te prothom player bona loise juntu back-to-back season te 35 upore goal contributions korise.
Wednesday laga match te Messi season laga 8th multi-goal game mark kori loise, juntu pora MLS history te single-season goal contributions te Josef Martinez aru Zlatan Ibrahimovic logot third position te tie kori loise (Carlos Vela laga 49 record uporte 5 match baki ase).
Inter Miami next match Saturday din Toronto FC laga saamne BMO Field te khelibo aru taike winning streak charita match logot extend koribo try koribo.
Add Comment