New Delhi, 26 September : India laga spin legend Ravichandran Ashwin itihaas bonaikena Sydney Thunder logot BBL 15 karone sign kori loise, aru itu league shuru hua time pora sobse dangor overseas signing hobo.
39 saal laga off-spinner Ashwin prothom Indian national men’s cricketer bona loise juntu BBL te khelibo. Indian mahila player khan world laga bisi domestic league, WBBL include kori, te khelikena ase, kintu BCCI India laga international aru domestic contracted men’s cricketer khan ke bahar laga T20 competition te khelibo allow nakore. Matro retired men’s player khan ke overseas T20 league te khelibo diya ase.
Ashwin January prothom hapta te Sydney Thunder logot join koribo. Taike available thaka game khan majot ase Thunder laga Brisbane Heat uporte Gabba te match (January 10), Melbourne Renegades logot Engie Stadium te match (January 12), aru Sydney Smash SCG te (January 16).
Ashwin, juntu last summer Border-Gavaskar Trophy series te international cricket pora retire korise, last month te Indian Premier League career bhi officially khotom kori loise.
Add Comment